Þjóðkjör - 14.05.1968, Blaðsíða 1

Þjóðkjör - 14.05.1968, Blaðsíða 1
BLAÐ STUÐNINGSMANNA GUNNARS THORODDSENS 1. tölubiað. — Þriðjudagur 14. maí 1963. I ! I ! ! I Avarp til kjósenda Um leið og islenzka lýðveldið var sett á fót 1944, var embætti forseta Islands stofn- að. Embættinu var ætlað að vera staðfest- ing þess og kynning, að Island væri frjálst og fullvalda ríki, engum háð nema því fólki, sem byggir þetta land. Forsetastarfi'i á að vera einingartákn þjóðarinnar, örva til samheldni, bera klæði á vopn og veita festu og forystu á örlagastundum. Forsetinn er fulltrúi þjóðarinnar út á við og kemur frarn fyrir hennar hönd, þegar á þarf að halda. Forseti staðfestir lög frá Alþingi, undirritar samninga við önnur ríki og skipar í ýrnis opinber störf. Að jafnaði er hér um formlegt vald að ræða, sem í reynd er í höndurn ríkisstjórna. En for- setanum er falið raunverulegt vald, varð- andi myndun ríkisstjórna og staðfestingu á lögum. Ef ekki er fyrir hendi meirihluti alþingismanna, er stendur að stjóm, er for- seta sá vandi á höndum að sjá landinu fyrir ríkisstjórn; reynir þá rnjög á hæfni hans og óhlutdrægni, því að oft er það vandasaml verk að leysa stjórnarkreppur. Og ef forseti synjar lögum staðfestingar, skal leggja þau lög undir þjóðaratkvæði. Á þcim tæpa aldarfjórðungi, sem lið- inn er síðan íslenzka lýðveldið var endur- reist, hefur Island átt tvo forseta, Svein Björnsson í nær átta ár og Ásgeir Ásgeirs- son í sextán. Þau margvíslegu viðfangsefni og vandamál, sem hér hefur vcrið lýst, hafa hinir farsælu forsetar leyst af hendi með ágætum, sem alþjóð viðurkennir og virðir. Því valda persónulegir hæfileikar og mann- kostir, þekking þeirra á stjórnlögum og stjórnháttum, og víðtækur kunnugleiki á margháttuðum sviðum mannfélagsins, sem þeir höfðu öðlazt í umsvifamiklum þjóð- málastörfum fyrir land sitt, innan lands og utan, áður en þeir tóku við starfi forseta. Og vegna þess, hversu vel forsetunum hef- ur farið úr hendi að leysa vandamálin, hef- ur almenningur ekki orðið eins var við þann þátt, sem þeir hafa átt í lausn þeirra. Þegar þjóðin á að velja þriðja forseta Islands, er nauðsynlegt, að sérhver kjós- andi geri sér glögga grein fyrir eðli em- bættisins. Síðan er það hans að dæma, hvor frambjóðenda sé betur til þess fallinn, að gegna þessu þýðingarmikla starfi. Þeir, sem nokkuð íhuga málið, verða ckki í vafa um, að þeir eiga að velja Gunnar Tlior- oddsen. Þá yrði réttur maður á réttum stað. Stuðningsmenn. GUNNAR THORODDSEN í 1 I ! Skrifstofur stuðningsmanna GUNNARS THORODDSENS REYKJAVÍK: Aðalskrifstofa: Pósthússtræti 13 Sími: 84500 Utankjörstaðaskrifstofa: Aðalstræti 7, 2. hæð (gengið inn að austanverðu) Símar: 84532, 84533 og 84535 AKUREYRI: Strandgata 5 Símar: 21810 og 21811 VESTMANNAEYJAR: Um miðjan mánuðinn verður opnuð skrifstofa í húsi DRÍFANDA við Bárugötu. Sími: 1080. Á R í Ð A N D I ! Stuðningsmenn Gunnars Thoroddsens eru hvattir til bess að láta UTANKJÖRSTAÐASKRIFSTOFUNA VITA UM kjósendur, sem verða fjarri heimilum sínum á kjördegi, bæði innanlands og utan. Símar skrifstofunnar eru 84532, 84533 og 84535. Fjölda meðmælenda haldið inn- an ramma stjórnarskrárinnar Fjölmargir hafa snúiö sér til skrifstofu stuöningsmanna Gunn- ars Thoroddsens og spurzt fyrir um, hvernig á því standi, að ekki sé auglýst, hvar meömælendalist- ar vegna forsetaframboðs hans liggi frammi, svo að mönnum sé gefinn lcostur á að rita nafn sitt þar. Því er til að svara, að skýrt er fram tekið í stjórnarskránni og lögum um framboð og kjör for- seta íslands, að forsetaefni skuli hafa meðmæli minnst 1500 kosn- ingabærra manna, en mest 3000, og tiltekur forsætisráðherra há- marks- og lágmarkstölu meðmæl- enda forsetaefnis úr landsfjórð- ungi hverjum í réttu hlutfalli við kjósendatölu þar. Tölurnar eru nú sem hér segir: Sunnlendinga- fjórðungur 1040—2085, Vestfirð- ingafjórðungur 130—265, Norð- lendingafjórðungur 230—455, Austfirðingafjórðungur 100—195. Stuöningsmenn Gunnars Thor- oddsens tóku þegar í upphafi þá sjálfsögðu stefnu, að halda sig innan ramma laganna, enda voru þessi ákvæði sett í stjórnarskrá lýðveldisins til að sporna við því, að unnt væri að binda menn fyr- irfram með undirskriftum, þótt á hinn bóginn sé eðlilegt, að for- setaefni hafi hóflegan fjölda með- mælenda að baki. Er frekari með- mælendasöfnun „óleyfilegur kosn- ingaáróður og kosningaspjöll“ og refsivert athæfi lögum sam- kvæmt. LANDSBOKASAFN 281002 fSLANDS

x

Þjóðkjör

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðkjör
https://timarit.is/publication/814

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.